حلم بين جيش وثوره

ثو
من اربعين يوم فاتو . . . كل حاجه كأنها حلم من يوم ما دخلت معسكر التدريب بعد ما عرفت اني داخل الجيش
من وقت ما نزلت من البيت وانا في الطريق لمحطه القطار وانا راكب القطر وشايف جنود وظباط وقطر ماشي اكتر من 6 ساعات مش عارف علي فين موديني .. بس ..
بس الأكد انه حلم لما تدخل من باب حديد وتعرف فعلا انك داخل منطقه مفهاش مدنين والتعامل فيها بالأمر 
--------------
المشهد التاني من الحلم
بيقولو دا في مظاهرات في التحرير وفي اعتصامات وناس بتقول عاوزين نغير الحكومه -
- بيقولو الحكومه اتغيرت وعينو نايب للريس .... معقول الكلام دا .. هو انا في بلد تانيه غير مصر
- بيقولو دا احمد عز اتحبس ومعاه كام واحد من التقال .. هو احنا في بلد تانيه ولا دي معجزه من المعجزات
- بيقولو دا الرئيس محمد حسني مبارك بجلاله قدره مش هيترشح تاني للرئاسه ( ياجدعان قولو كلام يدخل عقل )
- دا كمان بيقولو ان في مظاهرات قدام قصر الرئاسه عاوزينه يمشي اهو دا المستحيل بعينه .. بتحلمووو
- الريس تنحي ... لالالالالالالا ( هو انا في كوكب الارض ) اكيد دا كوكب غير اللي انا جاي منه
--------------
بعدها قالو كلام كتير عن حاجات كتير وكل مره اللي بيقول كان يقولو بيقولو ومش عارف مين
--------------
وانهارده اول مره اشوف النت من 40 يوم وبقرأ ومستغرب وحاسس اني لسه بحلم
بحلم اني في الجيش وبحلم ان البلد بتتغير
---------------
بس احلي حاجه في الحلم اني اشوف الشباب اللي قالو عليهم مش نافعين انتو مش فالحين في اي حاجه يعملوا ثوره نظيفه و
منظمه ويقدرو يخرجوا من القوقعه ويطلعوا راسهم من الرمل ويتفقوا علي حاجه واحده
--
كنت اتمني اكون واحد من اللي شاركو في صناعة مصر 
 ولما بدأت افوق من الحلم  . . شكرا لشباب ثوره 25 يناير  
شاركه على جوجل بلس

عن ahmed mm

    تعليقات بلوجر
    تعليقات فيسبوك